Di ₦20,000 rural cash grant initiative wey di Federal Ministry of Humanitarian Affairs, Disaster Management and Social Development introduce in 2020 na part of President Muhammadu Buhari’s social inclusion and poverty alleviation agenda. Di programme been target 150,000 rural and peri-urban women for all di 774 local government areas of di 36 states plus including di FCT. Dis initiative na community-based initiative.

Di goal na to make sure say countri-pipulgo see increased income, enhanced food security, more productivity as well as financial inclusion.

Dem launch di programme for Maiduguri, Borno State, Nigeria as a way to encourage women wey dey di state wey don dey affected by di insurgency for di region. Di aim na to see say all di beneficiary for Borno state fit get independent and sustainable life, especially di ones wey lose their husbands for di insurgency.

Di rural women grant also dey to support gender equality, address poverty among women and to also reduce unemployment wey dey di society by ensuring say all beneficiaries use di grant wey dem award dem wella.

For di North western part of Nigeria wey more than 28,000 women don collect di grant, most of di beneficiaries, if not all, don start one business or di other and dem don already dey succeed in entrepreneurship.

Di rural women grant of di Ministry na im be di ogbonge gran wey dem don award to women for di history of di country.

Dem award dis grant to women wey really need am; women wey dey find am hard to survive on less than one Dollar per day. Di grant na for women wey no get anybody to cater for their needs, especially widows wey their husbands don die, wey leave them to cater for so many children.

Dis cash grant don really help many women for North West Nigeria to upgrade their business so far, and na because dem use di money wey dem award to them to do right business wey suite their environment.

Pipul go dey wonder say how ₦20,000 wey pesin fit spend in less than an hour go fit help pesin start business, di truth be say dis grant na for pipul wey really need am; pipul wey dey in need of help in order to address di challenges of unemployment and poverty. For example now, Hadiza Ibrahim wey be beneficiary from Nasarawa local government area of Kano State dey into cheese making business, she use her grant to upgrade di number of cheese wey she dey make per day, and now she dey gain more profit.

Di National Home Grown School Feeding Programme na di most ogbonge programme of di Federal Ministry of Humanitarian Affairs, Disaster Management and Social Development and na one of di major achievement of the President Muhammadu Buhari administration.

Di Programme dey for 35 states in Nigeria plus including FCT, and Bayelsa state go soon join. As e be so, about 9.8 million students wey dey for 53,000 public primary schools nationwide na im dey benefit from di programme yearly.

Since 2019 wey dem establish di ministry, di programme don outshine all di other School feeding programme wey dey Africa, and na im come be di largest for dis continent.

Many pipule from all over di country don hail di country and of course President Muhammadu Buhari administration as e be say na im be di first school feeding programme initiative of di country since 1999. Who go ever think am say a day fit come for Nigeria wey Federal gofment go dey feed student wey dey public school? Make we no forget say di food wey dem dey serve di students na very nutritious food wey dem cook to target malnutrition.

I don meet plenty parents back den for 2010 wey I advise about di disadvantage wey dey wen dem no enroll deir pikin for school. Unfortunately, all my talk no mean anything to dem, especially wen na girl pikin I dey encourage dem to put for school. Dem go dey give excuse, say dem no get di money to enroll deir children for school.
Dem go rather marry di girls to men at very young age and send di boys to dey hawk pure water.

But in 2019 wen dem assign me to another advocacy for di same locations wey I go in 2010, e shock me as I see say school enrollment don really increase reach 90%, I resin say maybe na me wey no put in effort dat year until I meet one elderly woman wey get five grand children wey all of dem don pass di age of 10.

I come ask her about deir whereabouts, na im she hold me for hands come tell me say “my son, no think say we no believe in education oo, na money we no get to put our pikin for school all dis while, but we dey grateful say God don answer our prayers. Di gofment don dey feeding our children and e dey really save us money.”

Na day time I realize say di problem no be because of di education afterall Nigeria dey do free education since all dis time, but di problem na scope to use make dem for take come school for deir own benefit.
 
Dis National Home Grown School Feeding programme don really increase enrollment of pikin for school. E don also do make to dey study dey very easy and interesting for di pikin dem, also, e don reduce hunger and malnutrition and e also address issue of unemployment because dis food na pipule dey cook am : dis program don provide job for more that 107,000 cooks and oda pipule. Wen dem look into di problem of unemployment, the rate of poverty sef go follow dey addressed. For Kano State alone like dis, di number of school enrollment don jump from 1.2 million to 2.1 million afta di Federal Ministry of Humanitarian Affairs, Disaster Management and Social Development introduce di programme for di State.

In 2010, di rate of School enrollment in Nigeria ba 41.83% but in 2021, the total enrollment rate for primary schools in Nigeria don reach 68.3%.  Na im make I tok say our initial patrol been no work, but di Federal Ministry of Humanitarian Affairs, Disaster Management and Social Development don later win di heart of our children wit dis initiative wey come from a generous woman like Sadiya Umar Farouq- and wetin be dis initiative? Na hot nutritious food every school day.

Di Minister of Humanitarian Affairs, Disaster Management and Social Development Sadiya Umar Farouq don condemn di latest explosion wey happen for Lagos and Imo state in less than one week. She tok say even as di incident dey occur well-well, dem for still fit avoid am.

Di Minister sympathise wit di gofment and pipule of Imo, Lagos and Ogun state about di deadly explosion wey occur for di illegal oil refining site on Friday night. Di explosion kill many-many pipule for Abaezi forest wey dey for Ohaji-Egbema Local Gofment Area of Imo State.

Also, on Thursday, tanker wey carry 45,000 litres of PMS crash and all di content thro way all over Lagos and Ogun State along Lagos – Ibadan Expressway. One man sef die for dis accident.

Umar Farouq don advise say make pipule wey carry substance wey fit easily catch fire dem dey on top our road wit. She come follow tok say pipule wey dey involve in illegal bunkering of petrol na journey of no return for di pesin be dat.

“Dis explosions wey dey repeat im self for Lagos and Imo states dey very unfortunate but e for still dey avoidable. We need to dey regularly dey tok am well well because di result of dis acts na im lead to di death of many pipule so.

“Illegal bunkering of petroleum products na punishable offense under di law, so therefore, di pipule wey run dis wicked act need to face di music wit full punishment of di law.
“I wan sincerely sympathize wit di family of all di victims and I pray say dem go all rest in peace.
“I wan also beg country-pipule especially di youths say make dem commot hand from illegal bunkering of petroleum products in di area”.

Meanwhile, dem don immediately start rescue operations to remove body of victims wey burn during di explosion for Imo state, so tey dem no fit recognize dem again. About six vehicles also follow burn for di incident.

NNEKA IKEM ANIBEZE
SA MEDIA
23-04-2022

Di Minister of Humanitarian Affairs, Disaster Management and Social Development Sadiya Umar Farouq don really condemn di attacks wey happen to five communities for Plateau state, she tok say e dey satanic.

Umar Farouq sympathized with di state government and victims of di armed banditry attacks wey happen for Garga District of Kanam Local Gofment Area for Plateau State. She tok say di violence wey dis bandit unleashed on innocent citizens especially as dem dey do Ramadan Fasting na very evil thing.

Di Minister don announced say relief materials dey on the way to di victims.
She don direct sharp-sharp deployment of relief materials including food, water, blankets and sleeping nets to di displaced victims wey dey seek refuge for Garga Central primary school, Kanam Local Government Area of Plateau State.

Na five communities including Kyaram, Gyambau, Dungur, Kukawa, Shuwaka villages under Garga District na im bandits attack on Monday while many people na im die for di palaver.

Di National Emergency Management Agency wey dey under di Ministry plus including SEMA, Joint Military Task Force, Community Leaders, Local Government Council Members and di Media don already dey Plateau state to use korokoro eye take see di level of destruction and advice di agency appropriately.

Di Coordinator of NEMA North Central Zonal office Jos, Mr Eugene Nyelong na im lead di team wey go there. Him confirm say dem don start profiling and assessment of victims.

According to Nyelong, di assessment don start since Tuesday April 12, 2022, and many pipule die, and many m others lose property as well.

Di numba of Internally Displaced Persons (IDPs) don pass 4800, and na mostly women and children.

The local Gofment Health Department through di dispensary in Garga Town dey offer small-small medical support to all di displaced persons, di Director General of NEMA Ahmed Mustapha Habib sef dey work on how to take deliver sharp-sharp delivery of emergency humanitarian support before dem go start full intervention.

NNEKA IKEM ANIBEZE
SA MEDIA
13-04-2022

A two-day Forum on di Development and Recovery of the Lake Chad Basin Region just end for Abuja. For dis forum, dem call make everybody gada join hand to rebuild communities wey dey around di Lake Chad Region wey been dey affected by insurgency and oda humanitarian crises.

For di opening of di ‘Inaugural Forum on the Development of Lake Chad Basin’ wey hold on Monday for di International Conference Centre Abuja, Vice President, Prof Yemi Osinbajo tok say di Federal gofment go dey active to create policies wey go ginger di rebuilding of di region.

Prof. Osinbajo hail di Minister of Humanitarian Affairs, Disaster Management and Social Development Sadiya Umar Farouq, di North East Development Commission, di Lake Chad Basin Commission and oda stakeholders for all deir commitment and contribution to try recover Lake Chad Region, him follow tok say dem go transmit all di results and recommendations of di forum to di different-different gofments to guide dem for di policy making and strategic positions wey dem go want take as e dey relate to that region and how e go develop.

“I wan assure all our partners say government dey very committed to work with una so that wd go fit see sustainable, peaceful and lively region. I follow wan to assure una say we dey very determine to address di crisis and to rebuild di livelihood of people wey don. dey affected because of all di humanitarian crisis wey dey happen for di region. I dey very sure say na di same ginger wey Nigeria get na in be di same wit di gofment of Cameroon, Chad and Niger as them sef dey here,

“Di Federal gofment of Nigeria go dey active to make sure say we dey helep to improve di life of we brodas and sistas wey dey dis four countries”, na wetin di Vice President tok.

For di same forum, Minister Sadiya Umar Farouq been done estimate say about 23 million civilians wey dey affected by Boko Haram insurgency been dey waka up and down across di four countries wey border di Lake Chad Basin for di last ten years.

Di Minister wey di outgone Permanent Secretary Mr Bashir Nura Alkali been represent tok say di main thing wey dis inaugural forum wan gain na to capitalise on all di success of di military operations of di Nigerian Armed forces, di Multinational Joint Task Force (MNJTF) as well as militaries of all LCB countries.

She tok say “To avoid another humanitarian disaster, our intention na to develop solution wey go address di challenge wey pupil dey face, like climate change and conflict, and to helep support economic recovery, repair di social contract and to try address di needs of women, youth and the most vulnerable wey dey Lake Chad region.

“Dis forum really come for very important important time as we dey plan to extend pass platform wey dey coordinate alone, we dey also try to achieve concrete joint advocacy actions, and to contribute to di orderly and humane management of reintegration systems and to assist to find practical solutions for di Lake Chad Basin”.

For di second day of di Forum, dem been get technical workshop about ‘Solutions for climate resilience in the Lake Chad Region’, ‘Supporting Local Gofnance in the Lake Chad Region’ and ‘Engaging Citizens, Women and Youths and Building Social Cohesion in the Lake Chad Region.

The Forum been dey attended by top Oga-madam dem, gofment officials of Nigeria, Chad, Cameroon and Niger Republic, Ministers, Governors, Ambassadors and High Commissioners, representatives of Security Agencies, gofment agencies, NGOs, Civil Society Organizations and oda distinguished guests.

NNEKA IKEM ANIBEZE
SA MEDIA
12-04-2022

Di Federal Ministry Of Humanitarian Affairs, Disaster Management And Social Development, don make sure say all di welfare policy of di gofment dey reach countri pipule. But di thing wey dey sweet belle pass na say President Muhammadu Buhari choose Sadiya Umar Farouq to dey look after di Ministry, wey everybody don hail as very good move, ERE-EBI AGEDAH IMISI come look the matta, and the impacts of all di work wey dem don do.

Dem create di Federal Ministry Of Humanitarian Affairs, Disaster Management And Social Development because of serious need for di administration of President Muhammadu to get how e go take dey give back, dey harmonize, and to dey coordinate all di humanitarian and social interventions wey gofment dey do.

As di country dey faced different-different forms of crisis, insurgency for Northeast, bandit for Northwest, inter-community conflict for Middle Belt, kidnapping, farmer/herders’ conflict, fire outbreak, and many other things wey follow join all of dis wahala na im result in dis call for humanitarian aid.

Dis Ministry wey dem create in 2019 to dey make sure say all di welfare policy of di gofment dey reach all di countri-pipule wey dey suffer for our communities dey very timely, on top of how people don hail President Muhammadu Buhari as him choose Sadiya Umar Farouq to dey oversee and coordinate di Ministry, say na idea wey make sense wella.

Di Minister dey very hardworking and she no dey like some other top government official because she dey ever ready to meet with stakeholders, especially the media, MDAs, CSOs and NGOs because she dey proud to show all di achievements since she start as di pioneer Minister in charge of di ministry. Madam minister really get plenty project and plans wey she dey always reveal wey make her dey very popular. Nobody go doubt am if you call her di “star girl” of President Muhammadu Buhari gofment.

Na as she begin run di Ministry na im country start to dey really ensure say countri-people wey dey internally displaced because of security challenges in parts of the country dey get fair treatment, small by small cone dey help dem comot from all di years of neglect, abandonment wey some bad citizens dey chop all di resources wey government make available for dem. But as dis new Oga-madam come, she really shake everywhere; From Borno, Adamawa, Zamfara, Yobe, Benue and everywhere, as e be say she be mother with overflowing milk of kindness, she really make sure dis category of citizens wey find their self for situation wey no be their making, say dem dey really take care of dem above average.

Di Minister Don also announce many program wey go bring lasting succour to IDPs for di County, sat na why She launch di National Policy on IDP. Dis policy na im dem go take design the way wey dem go work out how dem go prevent and protect citizens and foreigners alike from any kind of internal displacement, and also to dey offer assistance and protection during displacement.

Na for inside dis same policy document na im di road map to make sure say do IDPs go fit get rehabilitation, return, reintegration and relocation after displacement. According to di Minister, all di principle wey dey guide humanitarian assistance and implementation of durable solutions in situations of internal displacement in Nigeria dey inside dis policy too.

Because of di hardwork of di Minister, the federal government don implement di National Social Investment Programme, NSIP wey be ogbonge social protection programme for di history of Nigeria and even beyond. Di programme really bring hope to bocku-bocku families wey I’m don help to reduce poverty rate, improve standard of living, and to give young-young people access to empowerment, plus including education, health care services, and to help reduce malnutrition wey dey catch children wey dey school, come follow dey provide small-small credit facility for small and medium scale business.

Di N-Power programme, di National Home-Grown School Feeding Nationwide, the Conditional Cash Transfer plus including di Gofment Enterprise and Empowerment Programme, GEEP, all of dem na social intervention schemes wey Nigerians don benefit from under di National Social Investment Programme, NSIP.

For inside 2020 alone, di Ministry dey very successfully for di exit of 500,000 Batch A and B N-Power beneficiaries and e come process over 6.4 million applications for Batch C. E giid make everybody know say, for inside Batche A & B, a total of 109,823 beneficiaries done set up business for their communities; na di impact and importance of di N-Power programme and di Ministry, na im be dat.

For dis time now for inside Batch C, Stream 1, nothing less than 510,000 young-young people for all around di country don enrol and dem don dey benefit from di programme, untop dat one, additional 490,000 beneficiaries go still enrol after President don approve to increase di number to one million. As di Minister tok am for di last stakeholders meeting, wetin e mean be say at least one million young people go gain skills for different trade or job in di next one year, through job exposure, training and experience, so dat dem go fit start their own businesses or get jobs based on di experience wey dem gain for di programme.

For Nigeria, almost all di communities get one mobile moni agent or the other, dis thing don really helped to bring financial service to di doorsteps of country-people for rural area. E come also help engage young people meaningfully, thanks to di mobile money agency programme of di ministry. Di programme na nationwide intervention under di N-Power programme wey train and equip 1,850 agents, come amount to 50 agents for each state and empower dem with di tools, including Point of Sales ( we dem dey call POS) Machines with a start-up amount of N20,000 preloaded, fingerprint scanner, plastic chairs, plastic table, outdoor umbrella and hardcover ledger for proper accounting.

Anoda important one na di National Home-Grown School Feeding Programme wey dey fully operational for 35 states and di FCT, arrangements to add Bayelsa don already dey advanced stage. Dis program na huge relief on parents and guardians and na massive incentive for school enrollment. Dis programme wey dem introduce in 2016, di programme dey provide one free nutritious meal to pikin wey dey primary 1-3 across public schools nationwide. Na which pikin dem go need force to school wey no go go because of full stomach? For di moment, almost 10 million children in 54, 619 schools don dey benefit from dis creative programme. Apart from that, about 120,000 cooks, and about 100,000 smallholder farmers and numerous aggregators dey also benefit for di programme across di country. E never tey wey Ministry review di cost to feed each child from N70 to N100 per meal.

Dis minister don really hold Ministry well for di past three years don really record many milestones and country-people dey very thankful to not only to Mrs. Sadiya Umar Farouq and her wonderful team in di ministry but the President, Muhammadu Buhari and di federal gofment.

Na true say all dis intervention as e bocku so, no go ever dey enough to highlight work wey di ministry don record in a short period of time, but e dey important to note say Gofment Enterprise and Empowerment Programme, GEEP dey try to address di challenges of credit and financial inclusion for over 37 million country-pipule wey no too get resources but wey dey active for business, but dem never had get di opportunity to get loan. Dis program so far don provide loan of N10,000 and N300,000 to about 2.3 million beneficiary traders, enterprising young people, agricultural workers and other micro-service providers wey dey under flagship programmes like TraderMoni, MarketMoni and FarmerMoni wey dey directly supervise by office of di Vice President, Professor Yemi Osinbajo.

Di impact dey very amazing while di testimony dey very encouraging. Di TraderMoni dey cater to poor and enterprising youths, while MarketMoni dey cater to poor and enterprising women. Di two dey disburse N50,000 per beneficiary. Poor and rural farmers dey captured under FarmerMoni, and the loan amount na N300,000. GEEP dey also increase financial inclusion for dis people through addition to formal financial system of banking.

True true e no go bad to hope say di days wey dey come get much promise for country-pipul people as di ministry dey on ground to sustain social intervention programs and to broaden to spread far to make sure say more Nigerians dey economically empowered, im vision na to improved living standard for environment wey dey safe and secure because dis na di vision of di federal gofment for all citizens.